හිටපු ජනාධිපති රනිල් වික්‍රමසිංහගෙන් පළිගැනීමේ සිද්ධිය ජාත්‍යන්තරය හමුවට ගෙනයන බව පාර්ලිමේන්තු මන්ත්‍රී දයාසිරි ජයසේකර පවසයි.

ව්‍යවස්ථාපිත ඒකාධිපතිවාදය පරදවමු යන තේමාවෙන් විපක්ෂයේ දේශපාලන පක්ෂ සහ නායකයින් අද (24) පැවැත් වූ විශේෂ මාධ්‍ය හමුවේ දී අදහස් දක්වමින් ඔහු මේ බව   සඳහන් කළේය.

“ව්‍යවස්ථාපිත ඒකාධිපතිවාදය අවසන් කිරීම මෙන්ම ඊට එරෙහිව ක්‍රියාත්මක වීම සඳහා අප මේ මාධ්‍ය හමුව කැඳවා තිබෙනවා. ලංකාවේ සාපරාධී අපහාස නීතිය ඉවත් කළේ රනිල් වික්‍රමසිංහ, ඒ වගේම ජනාධිපති මුක්තිය අවසන් කළේ රනිල් වික්‍රමසිංහ, රට වැටුණු වෙලාවේ රට යම් තැනකට ගේන්න මහන්සි වූ නායකයෙක් ලෙස අපට ඔහු ගෙන ගෞරවයක් තියෙනවා. බිලියන හයයි දශම ගණනක සංචිත ගැන කතා කරන්න මේ ආණ්ඩුවට හයිය තියෙන්නේ රනිල් කළ ක්‍රියාවලිය නිසයි. ඒ නිසා අපි රනිල් වෙනුවෙන් එකාබද්ධව නැගී සිටිනවා."